 مصر عام 2040 ....واحنا الجيل القديم , هتموتو علي نفسكم من الضحك |
هذه الرسالة تفيد بأنك غير مشترك. للاشتراك الرجاء اضغط هنــا
قوانين شخابيط
قبل كتابة فى هذا القسم يجب اتباع القوانين
1- يجب التاكد من الموضوع قبل نزولة لعدم التكرر ويتم حذفة
2- لا تضع لالينك اغينةلمواقع خارجية
3.يفضل رفع الصور على الموقع الرسمى uploadmisr.com
4- استخدام مواقع للرفع يفضل shareonall.com-asapload.com
5- عند تكرار الموضوع سيتم مسح الموضوع الجديد
6-لو عايز تبقى مشرف ومش عارف شرح كتابه موضوع او اضافه رد او طريقه الرفع ادخل على قسم شرح شخابيط
بالنسبة للمشرفين
ممنوع تثبيت الاغانى الا بعد عدد مشاكارت ويلغى التثبيت بعد 50مشاركة
7- عدم وضع اغانى منمواقع اخرى او لالينك لموقع اخر كانوع من الاعلانات سيتم وقف العضو دون انذارة
8-يجب وضع لينك اسم الموقع فى اى لينك مرفوع
9- الاعضاء ليس لهم تصريح فى الكتابة فى هذا الاقسام لو شايف فى نفسك تقدر تشتغل فى القسم دة كلم الادارة
10-عند اضافة اى موضوع من العضو لا يظهر الا بمواقفة الادارة
11-لو عايز اغنية ومش موجودة اكتب الاغنية فى طلبات الاعضاء
12- يجب رفع اى ملف او فيلم او اغنيه على اكثر من موقع على الاقل 5 مواقع
   |
 Sep 17 2008, 04:17 PM
مشاركة
#1
|
|
|
السلام عليكم ورحمة الله وبركاته متنسوش الردود ياجماعة المكان أحد أحياء القاهرة الزمان يوم من أيام صيف عام 2040 حفيدة في سن المراهقة (12 سنوات) تجلس مع جدتها (70 سنة) ويدور بينهما هذا الحوار: -------------------------------------------------------------------------------- الحفيدة: تيته ميرو إزيك..بقى لي زمان ما قعدتش معاكي الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني الحفيدة: ومابتفتحيش الدش ليه يا تيته الجدة: التليفزيون بقى ممل خالص مافيهوش غير 9700 محطة بس.وأنا كمان ما بعرفش أغير المحطات الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا الحفيدة : أيوه بس مش حاسة إنك مخنوقة وانتي لابساه؟ الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة الحفيدة : ياه يا تيته.. ده انتوا كان ليكم تقاليد غريبة خالص الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة: معقول يا تيته؟ للدرجة الفظيعة دي؟ الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي حسبي الله ونعم الوكيل الحفيدة : يا خبر .. وإيه كمان ياتيته الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل الحفيدة : وبعدين ياتيته الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة. حسبي الله ونعم الوكيل الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة الجدة: طيب ياحبيبتي روحي (بعد عدة دقائق) الحفيدة: هيه يا تيته.. وبعدين الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل الحفيدة : 70 مليون بس؟ الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟ الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها الحفيدة : ياي ده انتوا كنتوا متزمتين خالص ياتيته الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل (تمسك الجدة بتليفون محمول في حجم علبة الكبريت) الحفيدة : ح تكلمي مين يا تيته الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ .. الحفيدة: (تنهض من مكانها) تشاو سي يو تيته الجدة: سي يو وبعد مرور عدة ساعات انتابت الجدة خلالها غيبوبة بسبب الشيخوخة و في المساء دار هذا الحوار بين الجدة والحفيدة: الجدة: إنتي كنتي فين يا فتفت؟ الحفيدة :أصل إحنا أخدنا الولد من الحضانة .. الجدة : ولد ولد إيه اللي أخدتوه من الحضانة؟ الحفيدة : آه صحيح أنا نسيت أقول لك .. أصل أنا جبت ولد من سمسم صاحبي الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت الجدة : مشكلتي إني ما باعرفش أزعل منك يا فتفت يا عفريته ..وسميتوا المحروس إيه بقى الحفيدة : سميناه (دوت كوم) .. الجدة : نعم . دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟ الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4) الجدة: وأخدتوه من الحضانة وديتوه فين بقى؟ الحفيدة : وديناه النادي الصهيوني بتاع الحي الجدة : النادي الصهيوني بتاع الحي؟ الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه، أفتح لك التليفزيون يا تيته عشان تشوفي نشرة الأخبار الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول: المذيعة : هاي شلة إليكم عناوين الأخبار - أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان - واشنطن تتهم ليبيا بتفجير سفينة فضاء فوق كوكب المريخ - وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة - موافقة مجلس الشعب أخيرا على خصخصة معبد الكرنك أخبار عربية: - زهوة ياسر عرفات تطالب بانسحاب إسرائيل حتى حدود عام 2045، وإعلان الدولة الفلسطينية في مايو المقبل - سيريلانكا والفلبين تطرد خمسة آلاف خادمة كويتية - إسرائيل ترفض الإنسحاب من البصرة إلا بعد ضمان أمن مستوطناتها في بغداد - اشتباكات على الحدود الإسرائيلية المغربية أخبار الفن - زفاف المطربة صباح على حفيد الفنان الراحل راغب علامة - رئيس قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية - الفنان محمد هنيدي يهاجم نجوم الكوميديا الجدد المذيعة: فينيش باي الجدة: لأ بقى حسبي الله ونعم الوكيل فيكم فعلا (يغمى عليها) يارب يكون الموضوع عجبكم مستنية الردوووووووووووود -------------------- انت منورنا جدا فى احلى المنتديات ًWwW.Shkhabet.Com |
|
 |
 
|
|
Sep 27 2008, 04:05 PM
مشاركة
#2
|
|
|
شكرا الموضوع جميل
--------------------  [img] |
|
|
|
|
|
Sep 28 2008, 07:37 AM
مشاركة
#3
|
|
|
انت الاجمل يا عسل
-------------------- انت منورنا جدا فى احلى المنتديات ًWwW.Shkhabet.Com |
|
|
|
|
|
Oct 17 2008, 08:58 PM
مشاركة
#4
|
|
|
موضوع جميل اوي ميرسي
--------------------   مشغولةةةةةةةةةةةةةةةةةة كتيرررررررررررر |
|
|
|
|
|
Mar 6 2009, 10:22 AM
مشاركة
#5
|
|
|
هههههههههههههههههههه تسلم ايديكم
|
|
|
|
|
|
Mar 11 2009, 07:34 AM
مشاركة
#6
|
|
|
هههههههههههههههههههه
ده ايه اللى بيحصل ده بجد حسبي الله ونعم الوكيل --------------------  LOveR BOY مهما تشتهى فى الدنيا من كل شىء خفيا مهما يكن يجب ان تكون تقياً واعمل لاَخرتك حتى لا تكون كفاراً شقيا |
|
|
|
|
|
Mar 12 2009, 02:32 PM
مشاركة
#7
|
|
|
هههههههههههههههههههههههههههه تيته ميروههههههههه
هايل ياعسل --------------------  |
|
|
|
|
|
May 4 2009, 06:24 AM
مشاركة
#8
|
|
|
ميرسي على المرور الجميل جدا
-------------------- انت منورنا جدا فى احلى المنتديات ًWwW.Shkhabet.Com |
|
|
|
|
 Jun 21 2009, 11:30 PM
مشاركة
#9
|
|
|
يابنتي والله سحرتيني
مالكيش حل انتي عسوله بجد notice notice notice ممكن اطلب حاجه .......... في فلاش انيمي جميل في الصفحه ازاي احصل عليه الرجاء الرجاء الرجاء الرجاء الاهتمام نسيت اقولك god bless you |
|
|
|
|
|
Jun 27 2009, 10:31 AM
مشاركة
#10
|
|
|
تسلم كلك زوق وميرسي اوي على ردك الجميل
-------------------- انت منورنا جدا فى احلى المنتديات ًWwW.Shkhabet.Com |
|
|
|
|
|
Jul 5 2009, 03:07 PM
مشاركة
#11
|
|
|
الموضوع جامد مووووت تسلم ياقمر
finish bye 
|
|
|
|
|
|
1 عدد القراء الحاليين لهذا الموضوع (1 الزوار 0 المتخفين)
0 الأعضاء:
Powered By IP.Board
2.3.6 © 2010 IPS, Inc. تعريب وتطوير : فريق الآي بي العربي
Licensed to: www.shkhabet.com
|
نسخة خفيفة | الوقت الآن: 14th March 2010 - 05:43 AM
Skin Desenvolvido por Arab2srver.com |